Contact address

RWAMREC 

Kimironko, Road to Kigali Parents' School
KG 15 AVE 6 (OR) KG 149 ST 1
P.O.Box 5768 Kigali
Tel: + 250 788315140
       + 250 788381183
       + 250 788381184
email: info@rwamrec.org
Website: www.rwamrec.org

Follow us on Twitter

Our Social Media

Newsletter subscription


Bamwe mu bagore bo mu karere ka Karongi, bavuga ko umuco wo kumva ko umugabo ari umutware w’urugo utagira icyo akora, wirirwa wicaye gusa , agatahira icyubahiro gusa , bavukiyemo bakanawukuriramo, ubu muri aka karere umaze kugenda ugabanuka, abagabo ngo bamaze kumva impamvu yo gufatanya n’abagore babo bagakorera ingo zabo, n’imiryango yabo igatera imbere.

Ubusanzwe ngo umugabo mu karere ka Karongi yagombaga kwicara akubahwa gusa, akumva ko aramutse agize icyo akora mu mirimo yo mu rugo,umugore we yamusuzugura ntamu he agaciro ,uku gushaka icyubahiro rero ngo bigatuma bakandamiza abagore babo,kuko bakoraga bonyine ,kandi bakavunika

Abagore batuye muri aka gace bavuga ko ubu byahindutse cyane, bombi ngo bafatanya gukorera urugo rwabo ,kandi bikagenda binatuma imiryango yabo itera imbere.


Bagwire Esperance umuyobozi wungirije ushinzwe ubukungu n’iterambere mu karere ka Karongi,avuga ko imiryango itari iya Leta yabafashije guhindura imyumvire y’abagabo

Mukamana Agnès utuye mu murenge wa Bwishyura avuga ko babifashijwe n’umugoroba w’ababyeyi ndetse n’umushinga wa Prevention Plus ukorera muri aka karere, abagabo bahinduye imyumvire ku buryo bugaragara,ubu nta mugabo ucyitwaza ko ari umutware w’urugo ngo avunishe umugore we base bashyira hamwe.

Yagize ati« ubundi imirimo yo mu rugo yabaga ireba umugore yose ,niwo muco twakuriyemo n’abagabo bacu, ba Data batubyara birirwaga bicaye ,ba mama bakavunika ,ibyo natwe byatubagaho mu ngo zacu,aho iri miryango itwigishirije ,abagabo bahinduye imyumvire ,umugore ashobora kuba ari we ufite akazi umgabo atagafite ,agasigara mu rugo nawe yita ku byo mu rugo ,kandi ntibimutere ipfunwe ndetse agakomezwa no kubahwa».

Umuhuzabikorwa w’umushinga wa Prevention Plus ,mu karere ka Karongi ,Shyikiro Ntayoberwa avuga ko ikibazo cy’imyumvire y’abagabo muri aka karere,cyari gikomeye ku buryo kubahindura byabatwaye igihe kinini ,ariko bafatanije n’inama y’igihugu y’abagore ndetse na komite z’umugoroba w’ababyeyi,muri aka karere bahuguye abantu 7 muri buri mudugudu ,bagamije kugira ngo bajye bafasha abagabo guhinduka no kumva ko umugore adakwiye gukora wenyine, ko no .gukorera imiryango yabo ari bo bifitiye umumaro mbere y’abandi bose.

Yagize ati« abagore baravunikaga ,bagahohoterwa cyane ,ariko twifashishije umugoroba w’ababyeyi ,twagerageje kubahindura nubwo byadutwaye igihe kinini, ubu umugore n’umugabo barafatanya ,ntabwo abagabo bacyumva ko kwicara badakora ari byo bizatuma bubahwa, barakora kandi ntibikuraho ko bubahwa n’abagore babo,abagore nabo barakora kandi bakanamenya ko bagomba kubaha abagabo babo».


Shyikiro Ntayoberwa, umuhuzabikorwa wa Prevention Plus avuga ko guhindura imyumvire y’abagabo byanatwaye igihe kinini

Shyikiro kandi avuga ko mu rwego kwimakaza ihame ry’uburinganire ,bafashe gahunda yo guhugura abanyeshuri mu bigo 52 by’amashuri yisumbuye , bashingamo amatsinda agizwe n’abahungu 30 nabakobwa 30 ,bagamije kubigisha ko abahungu bakwiye guharanira no kumva uburenganzira umukobwa afite,bahereye ku mafarang abahabwa y’ishuri ,kuko byagaragaye ko abahungu ari bo bahabwa menshi.

ushinzwe iterambere ry’ubukungu , Bagwire Esperance avuga ko muri aka karere abagabo babanje gutsimbarara kuva ku cyubahiro n’amahame bihaga yo kumva ko basuzugurwaga,ariko ngo aho imiryango itegamiye kuri leta nayo ije kubafasha iki kibazo ubu cyaragabanutse.

Uyu muyobozi kandi avuga ko byanatumaga haba ihohoterwa rikorerwa abagore ,ariko kandi anavuga ko bagifite imbogamizi ku kibazo cy’abatumvikana mu kuboneza urubyaro,ariko aho batangiriye kwigishwa kubana neza mu mahoro ubu abageze kuri 80% bamaze kwitabira iyo gahunda.

Uwambayinema M.Jeanne ̸ bwiza.com


Article crated on 2018-06-02 15:29:59

Search

     

RWAMREC Values

  • Men are naturally loving, caring and sensitive; and may practice compassion and non-violence.


  • Powerful men do not need to hurt or blame others.


  • Men of quality do not fear equality.


  • There are non-violent, non-abusive, and non-controlling means of solving problems and conflicts.

Quotes on Gender

  • “A state that does not educate and train women is like a man who only trains his right arm.” ― Jostein Gaarder, Sophie's World


  • “If women are expected to do the same work as men, we must teach them the same things.” ― Plato, The Republic

  • “In politics, If you want anything said, ask a man. If you want anything done, ask a woman.” ― Margaret Thatcher